Plataforma digitalen bidezko lanbide-heziketaren irakaskuntzan esperientzia handia izanik, BIRTLHk etengabe egin behar dio aurre online prestakuntzaren panorama osatzen duten azken joerekin eguneratuta mantentzeko erronkari.
Ikasgela Birtual berria diseinatzeko probetako bat
Etengabeko berrikuntzaren testuinguru horretan, hilabeteak daramatzate ikastetxeko Laguntza zerbitzukoek Moodle-n oinarritutako ikaskuntza-plataforma modernizatzen. 2024-2025 ikasturterako prest egongo den Moodle 4.3rako eguneratzeak hainbat ezaugarri eta funtzionalitate berri ekarriko ditu berekin, Ikasgela Birtualaren barruan ikasleen ikaskuntza-esperientzia are gehiago hobetuko dutenak. Interfaze intuitiboago batetik hasita, ikaslearen aurrerapenaren jarraipena eta baita lankidetzarako tresna aurreratuetaraino, ikasleen hezkuntza-esperientzia goragoko mailara eramatea agintzen du eguneratze horrek. Ikasgela Birtuala eguneratzeak, halaber, koloreen aukeraketarekin, tipografiarekin eta, oro har, diseinuarekin lotutako erabakiak hartzea dakar, edonork erraz erabil dezakeen interfaze atsegina lortzeko.
“Ikasgela Birtualaren bertsio berriaren inplementazio arrakastatsu bat bermatzeko lanean ari gara, ikasleek eta irakasleek trantsizio arina eta estutasunik gabea izan dezaten. ” esan digute ikastetxeko talde teknikokoek.